Gian Marco Pedroni

In l’ érba i falegnàm i spàchen

i zrés a còlp dàp còlp i s’ìn

van pa la carèda;

ed sìra, quand a n s’duvrévv

piò sintìr gnìnt, a s sèint da

luntàn ancàra còlp, còlp

chi scòsen al fnèster...

mo anch quìi i finiràn, la dìs

la zèint, a n s pòl ménga durèr

tant a stèr mèl.

I CILIEGI – Nell’erba i falegnami spaccano / i ciliegi, e colpi su colpi se ne / vanno per la carreggiata ; / a sera, quando non si dovrebbe / più udire niente, si sentono da / lontano ancora colpi e colpi / che scuotono le finestre... / ma anche quelli finiranno, dice / la gente, non si può durare / tanto a stare male.

Lè la stà sovr’ al sofà

vérs al nov in la so cà

còun di fior de stòfa in vès

e i bé occ chi guèrdn i trèv…

Un armòr ed pè da fòra

l’òmm as pògia, al sa d’auròra

tàca la mùnta e l’as ’avira

tòtta la stanza la suspira…

Còun al schèrp al pésta al fer

còun la bòcca al spuda amèr

i n’èin gnànch a mèzz dal dè

e biségna lasèr lè…

Torna l’òmm in mezz i camp

sòtta al sol e sòtta i làmp

lè la prega còun al còr

ch’a fiuréssa un dè l’amòr…

Lei è sdraiata sul sofà / della sua casa, sono appena le nove, / ci sono fiori di stoffa nel vaso / i suoi begli occhi guardano le travi… / Un rumore di piedi si sente fuori / l’uomo arriva, s’appoggia, sa d’aurora / comincia la monta, lei si apre / tutta la stanza ha sospiri… / Con le scarpe spinge il letto / con la bocca sputa amaro / non è neanche mezzogiorno / e bisogna lasciare lì… / L’uomo ritorna ai suoi campi / sotto il sole o il temporale / lei prega con tutto il cuore / che fiorisca un giorno l’amore…

Tèra aria fógh e acqua

al mànd l’a quàter cantòun

sé non l’è un ort sèinza azèdi

e mantgnù in brót òrden.

Agh’è un’ora par finìr la vétta

a l’Avemaria, e agh’è un’ora

par disdères, sé no as va a l’

infinì, angh sèm piò avié

a s’gh’és stófa dap a na stmàna

ed viàz e d’problema.

Da quàter al stasòun agl’èin

dvintèdi dô, mò finida lè,

sé no gnìnt as sèmna, gnìnt madùra.

Purtropp a s’ègh sèlva sol

a zughèr (alóra l’è méii fèrel

bariégh e alégher) a chi sta

ed zà e chi ed là da zérc

parchè l’è sol d’in élt, da dimàndi

in élt ch’a s’égh vèd béin.

IL MIO MONDO – Terra aria fuoco e acqua / il mondo ha quattro cantoni / se no è un orto senza protezioni / e venduto al disordine. / C’è un’ora per smetterla con la vita / all’Avemaria, e c’è un’ora / per risvegliarsi, se no si va all’ / infinito, non ci siamo più abituati / ci si stanca dopo una settimana / di cammino e di problemi. / Da quattro le stagioni possono / diventare due, ma finita lì, / se no niente si semina, niente matura / purtroppo ci si salva soltanto / giocando (allora è meglio farlo / ubriachi e allegri) a chi sta / di qua e chi di là dal recinto / perché è solo dall’alto, da molto / in Alto che si vede bene.

L’è a basta salutéres, l’è a basta

andèr fòra ed tèsta na sìra par

sintìres cuntèint. Na not a

zighèr la pól dèr serenité.

Inamurères apèina, còun l’ómil

e cunténev cant d’na zigàla

l’è bèli avèr un bròch par

un nid.

Quand na séva la s’móv al vèint

quand la luna la léva al pan

basta a l’urècia par crèder

d’èser a cà.

Al vècc an s’ léva da tèvla che

dap avèr surcé da piatt e méss

in man la brìsla

arcòrd par dmàn.

INNAMORARSI APPENA - È sufficiente salutarsi, è sufficiente / uscire di senno una sera per / sentirsi contenti. Una notte in / lacrime può dare anni di serenità. / Innamorarsi appena, con l’umile / e trito ritornello di una cicala / e già avere un ramo a disposizione per / un nido. / Quando una siepe stormisce / quando una luna leva il pane / basta un orecchio per credere / d’esser vicino a casa. / Il vecchio non si alza da tavola che / dopo aver succhiato dal piatto e messo / in mano la briciola / ricordo per domani.